Fasteignasalan TORG kynnir til leigu til eins árs: Fallegt, 5 herbergja, 134,5 fm sumarhús, vel staðsett, á rúmlega 6600 fm eignalóð í Grímsnesinu. Húsið skiptist í alrými með eldhúsi og stofu, 3 svefnherbergi, svefnloft, baðherbergi og þvottahús. Stór viðarpallur er við hús, með heitum potti. Einungis er um 50 min. akstur frá Reykjavík. Allar nánari upplýsingar veitir Matthildur Sunna Þorláksdóttir, lögfræðingur og löggiltur fasteignasali, í síma 690-4966 eða matthildur@fstorg.is
Nánari lýsing:Komið er inn í anddyri með fataskáp og flísum á gólfi.
Eldhús er með fallegri, dökkri innréttingu og stein á borði. Innfelldur vaskur og innbyggð uppþvottavél.
Stofa og borðstofa er í opnu rými með aukinni lofthæð og ethanol arni frá Funa. Gengið er úr stofu út á verönd.
Baðherbergi er flísalagt í hólf og gólf, með dökkri innréttingu, stein á borði með innfelldum vask og sturtu. Upphengt klósett og innbyggður kassi. Útgengt er af baðherbergi á verönd.
Þrjú svefnherbergi eru í húsi, öll rúmgóð ásamt svefnlofti. Gólfflötur á svefnlofti eru 31,9 fm, en skráð 12,9 vegna lofthæðar.
Þvottahús er með flísum á gólfi og engi er fyrir þvottavél og þurrkara.
Stór timburverönd er við hús, með heitum potti. Hitaveita er í húsinu, gólfsíðir gluggar, mikil lofthæð og gólfhiti ásamt Free@Home hússtjórnarkerfi. Innbyggð lýsing frá Lúmex. Húsið er teiknað af Gláma Kím arkitektastofu.
Gólfefni húss er vínyl parket, nema á votrýmum þar sem eru flísar.
